Nýársskák.... og hvað eru mörg "á" í því?
Jæja nú eru 4/8 hlutar klúbbsins komnir með hinn nýja betablocker, en samt eiginlega 5/8 því mig grunar að Salz-hlutinn komi til með að blogga undir einu nafni. (Nema Hallmeister vilji senda mér netfangið sitt svo ég geti boðið honum formlega)
Þá er spurningin hvort við viljum ekki fagna þeim áfanga með skák að hætti hússins. Ég er búinn að vera í sambandi við Önnuna og Hrafninn og hef fengið þær stórfenglegu fréttir að þau séu á heimleið í stutta heimsókn. Einnig hef ég haft af því hið stórfenglega veður að Þríeykið frá Herlev sé einnig á heimleið í aðeins lengri heimsókn. Því datt mér í hug það snjallræði að þá væri tilvalið að skáka af því tilefni og það að Mosfelli. Anna var komin með óskastund fyrir skák þessa og er hún að síðdegiskveldi þann 22. janúar næstkomandi og mig langar að varpa því fram í mesta sakleysi hvort Herlevingarnir séu lausir umrætt kvöld og eins Saltararnir með hjálp veraldarvefsins mikla? Væri það hin mesta skemmtan ef af þessu gæti orðið og myndi það gleðja sál mína og sinni.....
Óska ég hér með eftir góðum viðbrögðum við bréfi þessu.....
yðar einlægur Fróðaldur Mosfell.