Sælt veri fólkið til sjávar og sveita.
Það er að bresta á með gargandi vori hér í borg kaupmannanna og við hjúi höfum verið á faraldsfæti þessa helgina. Hjólin hafa verið í stífri notkun að dönskum sið og við ansi útitekin og sælleg.
Laugardagurinn var tekinn snemma og hliðargötur Striksins þræddar í leit að hagstæðum kaupum. Það skilaði sér í kaupum á eitt stykki skyrta, eitt stykki kjóll, tvö stykki Pizza slice og kók og bjór. Sólin var ekkert að fela sig og það var yndichleght að skipta á húfunni og þykku úlpunni fyrir sólgleraugun og sumarjakkann.
Mæli með Der Undtergang (rétt stafað, hef ekki hugmynd). Rosaleg mynd sem sannar að Þjóðverjar eru meira en Rammstein og Derrick.
Sunnudagurinn var svona meiri útivistardagur. Hjóluðum niður í Valbyparken með nestistöskuna (algjör snilld þessi taska) og fengum okkur danskt bakkelsi og kakómjólk. Fundum hól sem var alveg góður 5 metrar og breiddum úr okkur á honum og horfðum yfir til Svíþjóðar. Hjóluðum svo niður í miðbæ og settumst niður í Rosenborg-garðinum og svo fór Vala á kóræfingu.
Það er í mínum verkahring að elda kvöldmatinn og ég er að spá í einhverju einföldu, tortillas með kjúklingi til dæmis...
Er ennþá að reyna að venjast þess með sumartímann, hvað á það að þýða að breyta bara allt í einu klukkunni svona einn, tveir og þrír.
