Engar fréttir eru góðar fréttir...
...Ekki satt?
Nei, ég er bara búinn að vera latur að fara í tölvuna svo hérna kemur eldsnöggt update af mér og minni hérna megin hafsins.
- Ég er byrjaður að keppa og fékk silfur á stóru móti í Gautaborg fyrir 3 vikum og keppti svo aftur hér í Danaveldi á síðasta föstudag og sigraði andstæðing minn örugglega 5-0. Fer svo væntanlega til Malmö að keppa á næsta föstudag aftur. Sem sagt nóg að gera í heimi hnefaleikanna.
- Gengur fínt í vinnunni, er kominn með sveinspróf í bleyjuskiptum. Metið er ein kúkableyja á 15,7 sek. Er búinn að læra fullt af dönskum barnalögum og tek óspart í gítarinn, börnum og samstarfsfólki til ómældrar ánægju.
- Við hjónin fórum í Det blå pakkhus (danskt Kolaport) í gær og keyptum okkur fullt af drasli, þ.á.m forláta ömmuveggklukku sem slær nú með miklu látum á hálftíma fresti og er að gera okkur geðveik.
- Valgerður er að syngja í tveimur messum í dag og ákkurat núna eru hún að syngja á tónleikum með kirkjukórnum sínum.
-Það er búið að opna jólatívolíið en ég hef ekki enn haft tíma til að fara og njóta geðveikinnar þar inni, en stefni á að fara fyrr en seinna og þá sérstaklega að fara í geðveikrahúsið með öllum dúkkunum og Crazytónlistinni, úff hvað það var eitthvað spúkí.
- Það er byrjað að kólna hérna, en í dag er alveg rosalega fallegt veður, kalt en glampandi sól, og ég held satt best að segja að ég fari að koma mér út.
Það var ekki meira í bili. Ég vona að þið hafi það sem best og séuð öll að gera það sem þið eru best í og hafið gaman af, annað er tímasóun...