Það var sólbaðsveður í dag og við hjónin hentum okkur flöt í grasið eftir messu hjá frúnni. Hún var að syngja í 2 messum í dag en Hann las bók í sólinni á meðan, ekki kirkjurækinn maður, enda íslenski presturinn í Köben algjör svefnpilla. Hitinn náði þeim hæðum að Hann var knúinn til að rífa sig úr að ofan og láta sólina leika um hárlausa bringuna, því ekki erum við allir eins og Halli...
Keyptum okkur árskort í tívolí og fórum í gær að sjá eitthvað H.C Andersen-dæmi. Danir eru alveg að tapa sér í ár útaf þessum aldarafmæli, eða hvað það nú er, hjá kallinum og það er enginn maður með mönnum nema hann kunni söguna af litla ljóta andaraulanum eða söguna um tindátan beinstífa.
Hvernig ganga sýningar Þorrmaster?
Ertu að verða búinn með ritgerðina Fúli gaur?
Sá rosalega sæta stelpu framan á Vikunni um daginn!
Væri gaman að fá smá update frá ykkur, hver var hvar og með hverjum og hvers vegna...!
Kær kveðja, Baron Von Gnutenchlaphf og Frau Gnutenchlaphf
