Halló
Góðan daginn og gleðilegan janúarmánuð kæru Matskákingar.
Það er helst í fréttum hérna meginn hafsins að við erum flutt úr Hawaii-íbúðinni okkur beint niður í centrum í Köben, ekki nema 5 mín rölt niður á Strik og inn í H&M. Það er sko þvílíkur lúxus að vera kominn hingað í menninguna, í svona líka huggulega íbúð. Og til að toppa allt draslið þá erum við loksins komin með nettengingu eins og allt siðmentað fólk hér á vesturlöndum og getum því óhikað mailað og bloggað eins og okkur lystir. Einnig höfum við fjárfest okkur í nýjum dívan. Það er óneytanlega þokkalega gott að sofa á honum, eftir hörmungar helv...sandsekkinn sem við sváfum á í hinni íbúðinni. Tekur kannski smá tíma að laga hryggskekkjuna...
Og síðast en ekki síst höfum við fjárfest í gítar 6 strengja, hljómfagur með endemum og handhægur mjög. Aldrei að vita nema við keppum fyrir hönd Dana í næsta Júróvísjón...
Hvernig var annars í síðustu matskák? Var grillaður handleggur á boðstólum og berjabomba að handan?
Valgerður er komin á kaf í kórsöng hér í Köben og ef mér sjátlast ekki mun hún taka stjórnina þar innan skamms og skjóta þeim upp á stjörnuhimininn. Og hún er smám saman að tapa sér í auglýsingabæklingum frá Netto og Fötex, alltaf að leyta að góðum tilboðum. Hún er svo hagsýn þessi elska.
Biðjum að heilsa öllum heima.
Kveðja Doddy og Valgerður