Hvað er? Matarklúbbur, stofnaður 27. júlí 2004. Meðlimir eru á víð og dreif um heiminn og er þetta samskiptavettvangur þeirra.

sunnudagur, maí 03, 2009

Herr Fisher Fiskspiel

Ég harma þær fréttir sem mér hafa borist til eyrna um fráfall náins vinar míns og nafna, mr. Bobby Fisher. Og vil ég í virðingarskyni við látinn mann og mannvin og vin minn biðja um 30 mínútna þögn... .... takk.

Ég Herr Fisher Fiskspiel er fluttur. Ég var fluttur gegn vilja mínum, fótog rófubrotinn, á nýjan stað. Tel ég að með því séu umsjónar menn mínir, Þau Haraldur, Harpa og væluskjóðan Halldóra Björg að reyna að hrifsa af mér völdin í Matskák og hrinda af stað ólöglegri rannsókn á meðferð minni á fjármunum félagsins. Ég hef í engu farið óðslega með þá fjármuni sem mér hafa verið látnir eftir og set ég hér með fram nákvæma skýrslu um fjármál félagsins í minni stjórn. Kvittanir hef ég engar.

1. Lím fyrir rófuna, lím fyrir fótinn. (fékk lán hjá Haraldi, ógreitt)
2. ... Ekkert
3. Ekkert

og ekkert meir...

... og svo famvegis

Lýsi ég hér með "urri og hvæsi" á þessa fjölskyldu sem með mín mál hefur farið og tek ég hér með skýrt fram að höfuðstöðvar Matskákar eru enn í Reykjavík, nánar að Bugðulæk 13 105 Reykjavík, en þar býr þó einhver annar sem ég þekki ekki.
Höfuðstöðvarnar hafa verið fluttar til baka til að lægja öldur stríðs og átaka innan hreyfingarinnar og óska ég þess hér með að allar illdeilur og átök innan Matskákar um þessi mál verði að öllu leiti lagðar niður.

Ég er er hins vegar í haldi mannræningja í Schwarzstrasse 41 (hafa mínir heimildakettir komist að) og vænti ég þess að þeir sterku félagar í Matskák leysi mig úr prísund þessarri sem fyrst !

Virðingarfyllst, skelfdur og meiddur

Herr Fisher Fiskspiel
verndari Matskák.

mánudagur, nóvember 03, 2008

Matarklúbburinn Matskák hefur flutt höfuðstöðvar sínar úr landi.

Ég Herrrr Fisher Fiskspiel, aðaltalsmaður og höfðingi þessa merka félagskapar hef ákveðið að flytja höfuðstöðvar hópsins úr landi vegna fjárhagsástands íslensku þjóðarinnar.

Ég hef hér búið á leigu hillu, í leigu íbúð, í leigu landi austuríkska keisaraveldissins í rétt rúm 2 ár. Þar sem félagið hefur orðið fyrir miklum fjárhagshremmingum undanfanar vikur og mánuði, tapar gríðarlegum eignum og höfuðstóll hefur rýrnað svo mjög hef ég ákveðið, að til að stýra Matskák áfram og sem heilu fyrirtæki í eigu réttra aðila, þ.e. þá ekki íslenskra lánadrottna, að flytja höfuðstöðvarnar og ALLAR eignir til austurríkis, þar sem ég hef nú þegar lögheimili.

Ég veit að ákvörðun þessi kemur mörgum sterkum aðilum innan hópsins, svo og/og sem eru jafnframt stofnmeðlimir Matskákar, mjög á óvart og harma ég það mjög en hefur mér sýnst þetta vera eina leiðin, EINA LEIÐIN til að halda félaginu áfram í óbreyttri mynd, og með óbreyttri eignaaðild. Ákvörðun mín kemur leigusölum mínum og undirmönnum í stjórn félagsins, þeim Haraldi Ægi og Hörpu þorvalds, ekkert við.

Ég vona að við þessa breytingu á aðalskipulagi starfshóps Matarfélaga og Matskákar opnist hér lífleg umræða af hálfu stofnmeðlima félagsins.

Virðingarfyllst.
Herrr Fisher Fiskspiel.

miðvikudagur, júlí 30, 2008

Til hamingju !

Ég á afmæli í dag, ég á afmæli í dag, ég á afmæli ég sjálfur ég á afmæli í dag...

Alles gute mit geburtstag haute liebe Halli und wir sehen uns spater. liebe grus, Halli.

Viel, viel viel gluck mit gebutstag haute, Ich wunse dier alles bestens fur haute, l.gr, deine freund Halli.

Ah, ha, ha, du bist ein alte man, viel alter dan Ich, ha, ha, wier sehen uns, gruuuuus ...Halli.

Ég er sem sagt einn heima í dag og hef ekkert að gera nema skrifa inn þessa skemmtilegu bloggfærslu.

Enn og aftur, njóttu dagsins Halli minn, á afmælisdaginn og við verðum í sambandi seinna.
með kveðjum. Þinn Halli.

miðvikudagur, júní 11, 2008

Herr Fisher Fiskspiel skrifar.

Ég er fótbrotinn og rófan er löskuð ....

Ég datt niður af hillunni í stofunni ....

Ég er dapur ...

Er einhver þarna ...




... MATSKÁK ??? ...

þriðjudagur, janúar 08, 2008

Verið þið allir sælir og blessaðir Matskakingar til sjavar og sveita !!

Hér skrifar Fisher Fiskspiel verndari matarklúbbsins Matskák.

Vil ég byrja á að bjóða öllum meðlimum innilega til hamingju með nýja árið og kærar og innilegar þakkir til þeirra sem virtu nafn mitt og tilbáðu líkneski mitt í formi matargerðar og víndrykkju á síðasta ári. Einnig vil ég þakka vesturförunum sem ætla að heimsækja helgihof mitt að Linzergasse 31 næsta sumar fyrir það og þeim hinum sem sannarlega hafa komið hingað og etið, drukkið og sofið við fætur mér. Síðan þakka ég umsjónarmönnum helgihofsins, húsverðinum, maddömmunni og barni þeirra sem hafa glætt líf mitt gleði og spennu á hverjum degi.

Megi þið öll borða sem mest, þyngjast sem hraðast, lifa óheilbrigðu líferni og forðast hverskyns íþróttaiðkun á þessu nýja ári sem nú er víst hafið.

Og vil ég enda þennan pistil á að segja, sem svo margur innan þessa hóps hefur bæði sagt og svo oft heyrt,


"VERÐI YKKUR AÐ GÓÐU"

F.F.

sunnudagur, desember 02, 2007

Gleðilega aðventu

Kæru vinir.

Í tilefni aðventunnar fannst mér við hæfi að senda kveðju á Matskákinga nær og fjær með ósk um gleðilega aðventu.

Gangi ykkur vel með jólaundirbúninginn (la Jollaundirbúninginn ha ha ha) með rakaðan hnakka fyrir austan fjall eða í jóðlinu í Salzenburgerinsky.

Minni svo alla á heimasíðu Sussi og Leo http://www.sussi-leo.dk/ en þar má finna hinar ýmsustu jólagjafir, listaverk og undirfatnað.

Með von um hvít jól (eða undir 30 stiga hita fyrir Jollarana),

Won Dusseldorf

p.s. það er til maður sem heitir Himmeldorf...!

þriðjudagur, september 25, 2007

Heillaóskir

Kæru Matskákingar.

Ástkær eiginkona mín, Valgerður Jónsdóttir, á 31 árs afmæli í dag. Sem fullgildur meðlimur Matskákar óska ég henni fyrir hönd Matskákar innilega til hamingju með árangurinn og ég hlakka til að sötra rauðvín með henni við kertaljós og rómantíska tóna í kvöld þegar sú stutta er sofnuð.

Fyrir hönd Matskákar
Þórður Sævarsson